11 - 3 - 2026, 05:50 AM
|
|
|
|
|
|
الفندق المهجور
رن جوالي
- مرحبا
- وينك ياولد
- أنا في البيت نايم
- لحينك نايم
- شفيك توني راجع من الشغل مالحقت انام إلا ساعه
-قوم ياولد جتنا سفره إلى الكويت وبنروح عن طريق البر
- وليش نسافر الكويت ؟
- مالك الشركه نستلم إدارة الفرع اللي في الكويت
ومثل ماجفتو
أنا بدر 35 سنه اعزب واللي كلمني بالتلفون
هذا زميلي حسام
نشتغل في شركه عقارات في البحرين
قمت اتروش وأبرز شنطه هدومي
لي ماوصل حسام واخذني واحنا متوجهين
إلى جسر الملك فهد
كانت الساعة إلى الرابعه والربع المساء
وصلنا على جسر الملك فهد
وكان ازدحام وسالت حسام
إيش اللي صار
- جاتنا ترقيه
- من صجك أنت آي ترقيه اللي جت مره وحده
- أي يا ولد بنمسك فرع شركتنا اللي في الكويت
واستلمنا مناصب قياديه
-الله يستر منك
الساعة السادسه اجتزنا
من الجوازات والتفتيش بسلام
والوقت يستغرق من بعد الجسر
إلى الكويت قرابه الخمس ساعات
وأخذنا الطريق إلى الكويت
وأنا في توتر وهدوء تام
وكسر الهدوء حسام بسؤاله
شفيك يا بدر
-والله ماني مطمن على الموضوع
- ليش منت مطمئن ؟
- يا أخي أنا وصاحب الشركه اساساً
محنا اصحاب ويكرهني
- شكو ؟
- شنو اللي شكو … شلون رقاني مثل ماتقول ؟
- يا خيك مايحبك شي والشغل شي ثاني
- الله يستر
|
|
الذين يشاهدون محتوى الموضوع الآن : 1 ( الأعضاء 0 والزوار 1)
|
|
|
| أدوات الموضوع |
|
|
| انواع عرض الموضوع |
 العرض الشجري
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 12:45 PM
|
{ تذكير الصلاة عماد الدين )
|
|
|
|
|
|
عضويتي
الاقامه
