التنظيم والترتيب من البدايه راح يسهل لك كثير صدقيني .. اكرة شي لما تمتلي ارض غرفتك باكياس المحلات واللي ماتدرين كل كيس وش فيه!! وإذا بغيتي تنقلينهم لبيتك, الا كل شي معفوس واللي يبي كوي ,واللي نسيتي تكملينه من العفسة !! ملابس البيت طبقيها, يا في شنطة سفر او بوكس كبير .. واذا عندك قطع ملابس سابقة من مرحلة العزوبيه في حاله جيدة مايمنع تحطينها مع جهازك على الاقل مع لبس البيت ... بنطلون ,تي شيرت , فستان خفيف, الخ اهم شي يكون مو مكروف .. وحلو لو تحطين معاهم معطرات الملابس مثل اللي عند لايف ستايل .,, عشان لين طلعتيهم للدولاب تكون ريحتهم فواحه .. الشوزات خليها بعلبها .. او اشتري علب او اكياس خاصه بحفظ الشوزات .. ( تلقينها عن إيكيا + هوم سنتر + في شارع السويلم يبيعون أكياس قماش تنفع للشوز حلوة ) العطورات والمعطرات والكريمات والميك آب خليها كلها لآخر اسبوعين قبل الزواج! خبرك مع جونا الباريسي يمكن لاقدر الله تبوش ارواجك ولا شي ,, وكلها ماتبي لها اكثر من يومين او 3 وصدقيني اهم شي النوته والقلم راح يسهلون عليك التجهيز فوق ماتتخيلين اكتبي اي معلومه تمر عليك .. اسم محل اسم كوافيرة اسم مشغل اسم عطر اي شي يمر عليك دونيه .. وخليك منظمه ومرتبه وماشية على جدول معين بقدر الامكان .. طبعا قبل كل شي .. لاتنسين بعد ماتحجزين القاعه تحجزين الفرقة والكوافيرة واي شي يحتاج حجز مسبق .. ولاتنسين انك في نفس وقت التجهيز لازم تكثفين العنايه بشعرك وجسمك كل ليله وانصحك نصيحه تسوين جلسات ليزر لشعر الجسم .. راح ترتاحين من قلب حتى لو ماأمداك تكملين كل الجلسات .. لأنه من أول جلسه حتشوفين نتائج رائعه ولو طلع الشعر حيكون خفيف جدا مثل الوبر والمسام حتصغر .. وبعد لو عندك مشاكل جلدية ولا تصبغات ولا تساقط شعر لازم تحجزين بمركز متخصص وتسوين جلسات علاجيه ..